شوووووويه دوووشه & ايااااام و بنعيشها

الحمد لله الفتره اللي فاتت ع اد ما كانت صعبه و فيها ازمات

الا ان خبر واحد فيها طلعني من كل جو الاكتئاب و الزهق اللي كنت فيه ده .. حمد الله ع سلامتك يا غاليه

ربنا يتم شفائكي ع خير

---------------------

بقالي فتره مش قصيره حاسس اني مقصر في حق ناس متستحقش التقصير ده

بس بقولهم سامحوني .. بجد غصب عني .. انتوا غاليين اوي عندي .. بجد

----------------------------------

ايام و بنعيشها

14 – 12 كان اول امتحان عملي في التيرم اللي ما يعلم بيه الا ربنا ده


19 – 12 يوم كان مريح بالنسبه لي .. و الحمد لله .. :D

------------------------------------

20 – 12 عيد ميلادي .. شكرا لكل اللي افتكروني و قالولي كل سنه و انت طيب

و كل اللي قدملي اي حاجه في اليوم ده .. حتي و لو هوا بسيطه

متتصورش هيا عند غاليه اد ايه و فرحت بيها اد ايه !

و احب بالمناسبه ديه اشكر وزاره الاتصالات انهم تداركوا خطئهم و رجعوا النت

لاني كنت هزعل و انا زعلي وحش .. بس يلا المسامح كريم .. لحقوا نفسهم :D

----------------------------------

21 – 12 واحد من اسخف الامتحانات اللي عدت عليا التيرم ده .. ربنا يعديها ع خير

---------------------------------

24 – 12 هأبتدي اخد ريست شويه --- و 31 – 12 هرجع للقرف تاني :D

-------------------------------

شهر واحد بقي .. و الذكريات المؤلمه ..

15 – 1 .. بالتحديد الساعه 5 المغرب تقريبا .. ربنا يرحمك يا N .. ربنا عالم انتي فراقك عمل فيا ايه


بعد ما كتبت شويه عنك حسيت ان انتي تستاهلي موضوع مخصوص بيكي

عايز اكتب عنك .. هأبقي اكتب عنك في رساله لوحدها ان شاء الله

احساس لو اطول اقتله فيا هقتله ! .. ربنا يعديها ع خير ..

اسوء احساس في الدنيا انك تحس ان حد قريب منك ممكن يكون مريض بمرض ممكن ينتهي بـ ...

تصدقوا مش عارف انطقها و لا طايق حتي افكر فيها

حقيقه و يمكن هوا الحقيقه الوحيده الملموسه في حياتنا بعد طبعا وجود ربنا

عرفت الخبر العجيب ده .. و مع اني عرفته بعد ما ربنا اظهر شيء من الحقيقه و انه ان شاء الله شيء هين

بس مش عارف ليه قلبي برضه لسه مقبوض

خايف .. يمكن .. قلقان اكيد .. بس الاكتر اني حاسس اني مش هستحمل ده ابدا

انا ربنا يعلم بيا انا بكتب الكلام ده وانا حالي ايه !

بس حسيت اني عايز افضفض شويه

لما كنت اقول لحد ان فكره الموت ديه بترعبني .. اقصد موت حد غالي عليا

كان في ناس تقولي و انا كمان .. بس اتضحلي اني من اكتر الناس اللي ممكن تكون حاسه بده في الدنيا

اصعب احساس في الدنيا بجد ! احساس لو اطول اقتله جوايا هتقله

كان في ناس تانيه بتقولي .. انت اناني .. ايوه يا عم انا اناني

حاسس اني مش هستحمل اشوف حد غالي عليا يجراله حاجه

عارف انهم مش هيستحملوا هما كمان عليا اي حاجه بس .. مش عارف

حاسس اني في عذاب .. ربنا يعدي الفتره ديه خير

عامة ان شاء الله كله هيبان قريب جدا .. و ان شاء الله خير

دعواتكوا

يعنى ايه لازم انسى .. واللى طب مقدرش ينسى يعمل ايه !!

من غير لقاك

من غير لقاك الحياة مش حياة .. هيا تحلالى الحياة غير معاك

وانا اعمل ايه .. يعنى ايه لازم انسى .. واللى طب مقدرش ينسى يعمل ايه !!

على طول فى بالى ولا بنساك .. بقول ان انا هلقاك وراجع مع الايام

واكيد هلومك ولومى يزيد هتزعل حبيبى اكيد هصالحك باحلى كلام

وانا اعمل ايه .. يعنى ايه لازم انسى .. واللى طب مقدرش ينسى يعمل ايه !!

-----------

نعم ربنا علينا لا تعد و لا تحصي

==> من اهمها .. النســــــــــيان <==

ياااااااااااااااااا مُســـهل ...

بسم الله الرحمن الرحيم

بسم الله الرحمن الرحيم

حابب تكون ديه اول جمله في اول بوست ليا في مدونتي

بس كفايه كدا !!